Музей не піша гісторыю. Музей яе збірае. 

Упершыню ў "Год роднай зямлі”, напярэдадні Дня Незалежнасці нашай Беларусі Ганцавіцкі краязнаўчы музей праводзіць акцыю "Упішы сябе ў гісторыю Ганцаўшчыны”.

Гісторыя горада, раёна складаецца з сямейных гісторый, дакументаў, прадметаў, кніг, фотаздымкаў, твораў мастацтва беражліва захоўваемых і перадаваемых з пакалення ў пакаленне.

Мы павінны памятаць: для аднаўлення поўнай карціны гісторыі роднага краю важны кожны момант нашага жыцця. Тады ярчэй і паўней прадстане кожная із старонак нашай любімай Ганцаўшчыны. 

З 1 па 30 чэрвеня краязнаўчы музей прымае ў дар ад прыватных асоб, устаноў і арганізацый прадметы, сямейныя рэліквіі, звязаныя з гісторыяй, культурай, традыцыямі Ганцавіцкага края.

Удзельнікам акцыі "Упішы сябе ў гісторыю Ганцаўшчыны” будуць уручаны імянныя пасведчанні, якія даюць права на бесплатнае наведванне музея ў 2009 годзе, іх імены будуць зарэгістраваны ў Ганаровай кнізе Даравальнікаў.

Усе прадметы, падораныя ў ходзе акцыі будуць выстаўлены для агляду ў час выставы "Новыя паступленні 2009 года”.

Чакаем вас з 1 по 30 чэрвеня ў Ганцавіцкім раённым краязнаўчым музеі.