У мінулую суботу, 6 красавіка, горад
Ганцавічы наведала Аляксандра Герасіменя — сярэбраны прызёр Алімпійскіх гульняў-2012 па плаванні, чэмпіёнка свету 2012 года, чэмпіёнка, сярэбраны і бронзавы прызёр чэмпіянату Еўропы-2012 па плаванні на "кароткай вадзе".
Пад час візіту яна наведала
раённы краязнаўчы музей, дзе пазнаёмілася з гісторыяй і прыродай Ганцавіцкага краю, для яе была праведзена экскурсія па
Алеі пісьменства.
«Землякі! З вялікім задавальненнем я апынулася сёння на сваёй радзіме і перажыла шмат станоўчых эмоцый! Жадаю вам поспехаў, росквіту і цёплых сонечных дзён!» Менавіта такі запіс пакінула Аляксандра Герасіменя ў Кнізе ганаровых гасцей горада Ганцавічы.
Затым у кінатэатры «Маладосць» адбылася сустрэча нашай знакамітай зямлячкі з лепшымі спрацменамі і жыхарамі Ганцавіцкага раёна, пад час якой кожны жадаючы мог задаць ганаровай госці свае пытанні. Скончылася сустрэча працяглай аўтограф-сесіяй.
