На партал у раздзел «Каталог файлаў» дабаўлена кніга Яна Пятроўскага «Тарас Сайка. Ініцыятар і галоўны фінансавы ахвярадаўца на рэч перакладу і друку Бібліі на літоўскай мове», што была выдадзена ў 1995 годзе ў Злучаных Штатах Амерыкі.

Тарас Сайка (1906—1973 гады) — пратэстанцкi пастар, рэлiгiйны i культурна-грамадскi дзеяч беларускага замежжа ў ЗША, удзельнiк беларускага хрысцiянскага руху ХХ стагоддзя, мецэнат

Нарадзiўся ў 1906 годзе ў вёсцы Ліпск (сучасны Ганцавіцкі раён). Паходзiў з сялянскай сям’i праваслаўных беларусаў. Пачатковую адукацыю атрымаў дома. Служыў у польскiм войску. Пасля заканчэння службы вярнуўся ў родную вёску. Прыняў святое хрышчэнне. Пры матэрыяльнай падтрымцы мiсii «Свет на Востоке» пабудаваў у роднай вёсцы малiтвенны дом. З другой паловы 30-х гадоў узначалiў у Лiпску мясцовую царкву баптыстаў. У час Другой сусветнай вайны быў высланы на бiблейскія курсы ў духоўную семiнарыю ў горад Вiдэнест (Германiя). З 1950 года — у ЗША. Жыў i працаваў у горадзе Мiнеаполiс (штат Мiнесота). Iнiцыятар перакладу Бiблii на беларускую мову. Па пытаннях перакладу вёў вялiкую перапiску з беларускiмi свецкiмi i рэлiгiйнымi дзеячамi на эмiграцыi Я.Пятроўскiм, Я.Рапэцкiм, Д.Ясько, Я.Станкевiчам. Адзiн з арганiзатараў i каардынатараў Беларускага бiблейскага камiтэта па справе перакладу Бiблii. Дзеяч беларускага пратэстанцкага руху ў ЗША. Удзельнiчаў у працы з’езда прадстаўнiкоў беларускiх евангелiчных хрысцiян у Канадзе (08—09.09.1973 года). Памёр 26 верасня 1973 года.