Да Міжнароднага Дня роднай мовы ў сераду 19 лютага Ганцавіцкая цэнтральная раённая бібліятэка імя Васіля Фёдаравіча Праскурава на сцэне гарадскога Дома культуры арганізавала вечарыну «Пра мову з любоўю і павагай…».

Яна была прысвечана творчасці літаратараў-землякоў — Івана Кірэйчыка і Івана Лагвіновіча. У 2020 годзе творчая інтэлегенцыя Ганцавицкага раёна адзначае юбілеі гэтых творцаў.

Мерапрыемства было напоўнена тэатралізаванымі пастаноўкамі па творчасці літаратараў-юбіляраў, хараграфічнымі кампазіцыямі, беларускімі песнямі. Шчырыя кранальныя словы пра матчыну мову данёс юным гледачам паэт Аляксей Галаскок, які быў госцем вечарыны.

Не астаўся ў баку і Ганцавіцкі раённы краязнаўчы музей, які арганізаваў выстаўку «Аб'яднаныя творчым натхненнем», прысвечаную юбілейным датам Івана Кірэйчыка і Івана Лагвіновіча.