кажуць сяброўкі — жыхаркі Ганцавічаў 88-гадовая Вольга Іванаўна Задзяркоўская (на фота злева) і 83-гадовая Марыя Антонаўна Жыдкевіч.

Вайна на Ганцавіцкую зямлю прыйшла праз тыдзень пасля яе пачатку, была агульная для ўсіх. Але ў кожнага жыхара была свая асабістая вайна. Вольга тады была ўжо ў 18-гадовым узросце і праз год добраахвотнікам пайшла на фронт — сувязною ў авіяцыйную бамбардзіровачную дывізію. Марыя жыла ў вёсцы Навасёлкі, і хоць была непаўналетняю, дапамагала бацькам ратаваць параненых партызан.