На юцюб-канале Tradycyja/Belarusian Traditional Culture з’явіўся другі відэаролік з цыкла «Вандроўкі па Ганцавіцкім Палессі». На гэты раз стваральнікі канала завіталі ў вёску Раздзялавічы, што размешчана сярод балотаў.

Тут яны сустрэліся з народным аўтэнтычным гуртом «Завіца», які ўвабраў у сябе культурную спадчыну сваёй вёскі, захаваўшы мясцовы старажытны выканальніцкі стыль. Пагутарылі аб лёсе жанчыны і пабачылі розныя спосабы завязвання хустак.