Некаторы час таму ў выдавецтве «Янушкевіч» пабачыла свет новая кніга нашага земляка ўраджэнца вёскі Вялікія Круговічы Анатоля Трафімчыка «Наш Касцюшка слаўны!».

Гэта першае комплекснае даследаванне мастацкага вобраза ў беларускай літаратурнай традыцыі лідара вызвольнага паўстання 1794 г. у Рэчы Паспалітай, героя барацьбы за незалежнасць англійскіх калоній у Паўночнай Амерыцы Андрэя Тадэвуша Банавентуры Касцюшкі. Увагай даследчыка ахоплены ўвесь вядомы корпус беларускіх літаратурна-мастацкіх тэкстаў, прысвечаных Касцюшку.

Кніга разлічана як на спецыялістаў — філолагаў, гісторыкаў, краязнаўцаў, так і на самае шырокае кола чытачоў.

Кнігу «Наш Касцюшка слаўны!» можна набыць на сайце выдавецтва.